ပလောင်(တအာင်း) အမျိုးသမီးအစည်းအရုံး တည်ထောင်ခြင်း (၁၅) နှစ်ပြည့် အထိမ်းအမှတ် သဘောထားထုတ်ပြန်ကြေညာချက်

 

  ပလောင်(တအာင်း) အမျိုးသမီးအစည်းအရုံး တည်ထောင်ခြင်း (၁၅) နှစ်ပြည့် အထိမ်းအမှတ်

 သဘောထားထုတ်ပြန်ကြေညာချက်

 

၁၄ရက်၊ အောက်တိုဘာလ၊ ၂၀၁၅ခုနှစ်

 

၂၀၁၅ ခုနှစ် အောက်တိုဘာလ(၁၄) ရက်နေ့သည် ပလောင် (တအာင်း) အမျိုးသမီးအစည်းအရုံး တည်ထောင်ခြင်း (၁၅)နှစ်ပြည့် နေ့ထူးနေ့မြတ်ဖြစ်ပေသည်။   နေ့ထူးနေ့မြတ်တွင် ပလောင်(တအာင်း)အမျိုးသမီးအစည်းအရုံးအနေဖြင့်  မိမိတို့ အဖွဲ့အစည်း အားတည်ထောင်နိုင်ရန် ပံ့ပိုးခဲ့ကြသည့် ခေါင်းဆောင်ကြီးများနှင့်တကွ အဖွဲ့အစည်းအားတည်ထောင်ခဲ့ကြသည့် တအာင်းအမျိုး သမီးခေါင်းဆောင်များနှင့် ယနေ့တိုင် တာဝန်ထမ်းဆောင်နေကြသော တအာင်းညီအစ်မများအားလုံးကို ဦးစွာဂုဏ်ပြုမှတ်တမ်း တင်အပ်ပါသည်။

ပလောင်(တအာင်း)အမျိုးသမီးအစည်းအရုံးအနေဖြင့် တအာင်းအမျိုးသမီးများ၏ဘ၀ဖွံ့ဖြိုးတိုးတက်ရေး၊ အမျိုးသမီးများ ဆုံးဖြတ်ချက်ချသည့် နေရာများတွင် ပိုမိုပါဝင်လာရေး၊ အမျိုးသမီးများအပေါ်နည်းမျိုးစုံဖြင့် အကြမ်းဖက်မှုများပပျောက်ရေး စသည့် ရည်မှန်းချက်များဖြင့် ကြိုးပမ်းဆောင်ရွက်လာခြင်းသာမက မိမိတို့ တအာင်းအမျိုးသားရေး၊ မြန်မာနိုင်ငံဒီမိုကရေစီထွန်းကားရေးနှင့် တိုင်းရင်းသားများကိုယ်ပိုင်ပြဌာန်းခွင့်ရရှိရေးများတွင်လည်း မဟာမိတ်အဖွဲ့များနှင့် လက်တွဲကာ ပူပေါင်းဆောင်ရွက်နေသည်မှာ ယနေ့တိုင် ဖြစ်ပါသည်။ မိမိတို့အနေဖြင့် (၁၅)နှစ်တာကာလအတွင်း တအာင်းပြည်သူများအတွက် အောင်မြင်မှု၊ တိုးတက်မှုနှင့် အကျိုးသက်ရောက်မှု များစွာရရှိခဲ့သော်လည်း တစ်ဘက်တွင် အခက်အခဲပေါင်းများစွာ၊ စိန်ခေါ်မှုပေါင်းများစွာကိုလည်း ရင်ဆိုင် ဖြတ်သန်းခဲ့ကြရပါသည်။

ထို့အပြင် မိမိတို့ တအာင်းပြည်သူလူထုများမှာလည်း ယနေ့တိုင် အခက်အခဲပေါင်းများစွာ ပြသနာပေါင်းများစွာ နေ့စဉ်နှင့်အမျှ ခံစားနေရဆဲပင်ဖြစ်ပေသည်။ နှစ်ပေါင်းများစွာ ရင်ဆိုင်နေကြရသည့် လူမှုရေးပြဿနာများ၊ မူယစ်ဆေးဝါးပြဿနာများ၊ လူအခွင့် အရေးချိုးဖောက်ခံရမှုများ ယနေ့တိုင်ခံစားနေရဆဲပင်ဖြစ်သည်။ အထူးသဖြင့် ရွာသားများ သတ်ဖြတ်ခံရမှုများ၊ မတရား ဖမ်းဆီးခံရမှုများ၊ ညှဉ်းပန်းနှိပ်စက်မှုများ၊ အမျိုးသမီးများနှင့် ကလေးများအပေါ် လိင်ပိုင်းဆိုင်ရာအကြမ်းဖက်မှုများ၊ လူကုန်ကူး မှုများနှင့် အိမ်တွင်းအကြမ်းဖက်မှုများမှာလျော့နည်းသွားခြင်းမရှိပဲ ပိုမိုးများပြားလာနေသည်။ မိမိတို့တအာင်းပြည်သူများ နေထိုင်ရာ ဒေသတွင်လည်း မိဘပြည်သူများအနေဖြင့် လုံခြုံမှုမရှိသည့်အပြင် လက်နက်ကိုင်ပိပက္ခများ၏ ဒဏ်ကိုလည်း ခါးစည်းခံ နေရသည်။ ထုို့အတွက်ကြောင့် မိမိတို့ အဖွဲ့အစည်းအနေဖြင့် နှစ်ဦးနှစ်ဘက် အပစ်ခတ်တိုက်ခိုက်မှုများရပ်စဲရန် လိုလားပါသည်။

ယနေ့အချိန်ကာလသည် ဒီမိုကရေစီရရှိရေး၊ ဖက်ဒရယ်ပြည်ထောင်စုနိုင်ငံတော်တည်ဆောက်ရေးနှင့် တိုင်းရင်းသားများ၏ ကိုယ်ပိုင်ပြဌာန်းခွင့်ရရှိရေးနှင့် မြန်မာနိုင်ငံငြိမ်းချမ်းရေးအတွက် အရေးကြီးသည့် အချိန်ကာလဖြစ်ပေသည်။ ၂၀၁၅ ခုနှစ် နိုဝင်ဘာလတွင် ကျင်းပမည့် ရွေးကောက်ပွဲသည် မြန်မာနိုင်ငံ ဒီမိုကရေစီရရှိရေးအတွက် ပြည်သူများ အပြည့်အ၀ဆန္ဒမဲပေးပိုင် ခွင့်နှင့် လွတ်လပ်၍တရားမျှတသော ရွေးကောက်ပွဲဖြစ်ရန်လိုအပ်ပါသည်။   သို့သော် ယနေ့တိုင် မဲစာရင်းများ မှားယွင်းနေခြင်း၊  ပြည်သူလူထုများအား ရွေးကောက်ပွဲဆိုင်ရာအသိပညာပေးမှုများ အားနည်းနေခြင်းများကို ရင်ဆိုင်နေရသည့်အပြင် တိုင်းရင်းသား ဒေသများတွင် ထိုးစစ်ဆင်မှုများပြင်းထန်နေခြင်းသည်လည်း ရွေးကောက်ပွဲအား ထိခိုက်ပျက်စီးရေးကို ရည်ရွယ်ကာ လုပ်ဆောင် နေသည်ဟု မိမိတို့အနေဖြင့် သုံးသပ်မိပါသည်။

 ဖက်ဒရယ်ပြည်ထောင်စု တည်ဆောက်ရေးအတွက် ငြိမ်ချမ်းရေးနှင့် တစ်နိုင်ငံလုံးအတိုင်းအတာ အပစ်ခတ်ရပ်စဲရေးအတွက် တိုင်းရင်းသားလက်နက်ကိုင်အဖွဲ့အစည်းများ ပါဝင်ဖွဲ့စည်းထားသည့် NCCT နှင့် SD တိုင်းရင်းသားခေါင်းဆောင်းများ၊ ပြည်ထောင်စုငြိမ်းချမ်းရေးဖော်ဆောင်ရေး လုပ်ငန်းကော်မတီ (UPWC)တို့၏ ပူးပေါင်းဆောင်ရွက်ကြိုးပမ်းမှုများသည် အခက်အခဲများ၊ စိန်ခေါ်မှုများစွာကို ဖြတ်သန်းကာ နောက်ဆုံး (NCA) စာချုပ်ကို လက်ခံသဘောတူ လက်မှတ်ရေးထိုးနိုင်သည့် အနေအထားသို့ရောက်ရှိခဲ့သည်။

သို့သော် ယနေ့အချိန်အခါတွင် အစိုးရအနေဖြင့် တိုင်းရင်းသား လက်နက်ကိုင်အဖွဲ့အစည်းများ အားလုံးပါဝင်လက်မှတ်ထိုးရေးကို လက်မခံသည့်အပြင် အချို့သောတိုင်းရင်းသားအဖွဲ့အစည်း(၈)ဖွဲ့နှင့်သာ  လက်မှတ်ရေးထိုးရန်ပြင်ဆင်နေသည်။ ထို့အပြင် ကျန်သည့် တိုင်းရင်းသားဒေသများတွင်လည်း စစ်ပွဲများအရှိန်မြှင့်၍ ထိုးစစ်ဆင်တိုက်ခိုက်နေခြင်းများသည် တစ်နိုင်ငံလုံးအတိုင်း အတာ အပစ်အခတ်ရပ်စဲရေးနှင့်ငြိမ်းချမ်းရေးကို ဖော်ဆောင်နိုင်မည် မဟုတ်ပေ။ အစိုးရအနေဖြင့် အမှန်တကယ် ငြိမ်းချမ်းရေးကို လိုလားပါက ထိုးစစ်ဆင်မှုများကိုရပ်တန့်ပြီး တိုင်းရင်းသားဒေသရှိ စစ်အင်အားတိုးချဲ့မှုများရပ်တန့်ကာ တုိုင်းရင်းသား လက်နက်ကိုင်အဖွဲ့များနှင့် ယုံကြည်မှု တည်ဆောက်သင့်သည်။ တစ်နုိုင်ငံလုံးအတုိုင်းအတာအပစ်ခတ်တိုက်ခိုက်မှု ရပ်စဲရေး စာချုပ်(NCA)တွင် တိုင်းရင်သားလက်နက်ကိုင်အဖွဲ့များ အားလုံးပါဝင်လက်မှက်ရေးထိုးနိုင်သည်အထိ ကြိုးပမ်းလုပ်ဆောင်သင့် သည်ဟု မိမိတို့အဖွဲ့အစည်းမှ ယုံကြည်ပါသည်။

 

 အလုပ်အမှုဆောင်ကော်မတီ

ပလောင်(တအာင်း)အမျိုးသမီးအစည်းအရုံး

 ဆက်သွယ်ရန်

လိုည်းပိုးညိူဝ်း -+ ၉၅၉ ၇၃၀၆၃၀၁၇

လိုည်းမိုးခမ်း - + ၉၅၉ ၇၈၈၅၅ ၈၀၄၁

 လိုည်းချယ်ရီ - +၀၁ ၉၂၉၂၃၅၆၄၆၂

မူးယစ်ဆေးဝါးကြားက ဒုက္ခသံ
လစ်လျူရှု့ခံဘဝများ

PWO အကြောင်း

PWO-Logo

 ပလောင်အမျိုးသမီးအစည်းအရုံးကို အမျိုးသမီးများအား ပညာပေးရန်နှင့် စွမ်းရည်မြှင့်တင်ဆောင်ရွက်ပေးရန် ရည်ရွယ်ဖွဲ့စည်းခြင်းဖြစ်ပါသည်။ သို့မှသာလျှင် သူတို့၏ ကိုယ်ပိုင်ပြဌာန်းခွင့်ကို ပိုမိုခိုင်မာစွာ ကျင့်သုံးလာနိုင်ပြီး လူမှုအဖွဲ့အစည်းအတွင်း တန်းတူရည်တူပါဝင်ဆောင်ရွက်လာနိုင်စေရန်ဖြစ်ပါသည်။

Read More...

နောက်ခံသမိုင်း

မွန်ဂိုလွိုက်လူမျိုးနွယ်ကြီး၏ မူရင်းဒေသမှ အာရှတိုက်တွင် အများဆုံးနေထိုင်ကြပြီး အထူးသဖြင့် အာရှတိုက် မြောက်ပိုင်း၊ အလယ်ပိုင်း၊ အရှေ့ပိုင်းနှင့် အရှေ့တောင်ပိုင်းတို့၌ ပျံ့နှံ့နေထိုင်ကြသည်။ ထို့ကြောင့် ဗီယက်နမ်၊ ခမာ၊ မွန်၊ ဝ၊ ပလောင် (ရိအာန်) မုဏ္ဍ၊ ဆန်သာလ်၊ ခါဆီစသော လူမျိုးတို့သည် မွန်ခမာအနွယ်မှ ပေါက်ဖွားလာသော

Read More...

မိုင်းအိုက်ပန်း(ခ) ကိုမြမောင်

 မိုင်းအိုက်ပန်း(ခ) ကိုမြမောင်    ၁၉၆၂-၂ဝဝ၂ ၇၁ ဦးမြောက် အကျဉ်းထောင်အတွင်း သေဆုံးရသူနိုင်ငံရေးအကျဉ်းသားရဲဘော် မိုင်းအိုက်ပန်းသည် ၁၉၈၄ ခုနှစ်တွင် ပလောင်ပြည်နယ် လွတ်မြောက်ရေးပါတီ အဖွဲ့ဝင်တစ်ဦးအဖြစ် စတင် ပါဝင်လာခဲ့ပါသည်။ ၁၉၈၆ ခုနှစ်တွင် ကရင်အမျိုးသားအစည်းအရုံး မာနယ်ပလောဌာနချူပ်ရှိ အမျိုးသားဒီမိုကရေစီတပ်ပေါင်းစု (မဒတ) ဗဟိုဌာနချူပ်ရုံးသို့ ပလောင်ပြည်နယ်လွတ်မြောက်ရေးပါတီ၏ ကိုယ်စားလှယ်အဖြစ်စေလွှတ်ခြင်းခံခဲ့ရပါသည်။

Read more...