ရှမ်းပြည်နယ်အတွင်း တအာင်းမိဘပြည်သူများ လူ့အခွင့်အရေးချိုးဖောက်ခံရခြင်းအပေါ် တအာင်းအဖွဲ့အစည်းများ၏ ထုတ်ပြန်ချက်

 

နေ့စွဲ။  ။ ၂၀၁၆-ခုနှစ်၊ စက်တင်ဘာလ ၂၈ ရက်

၁။ ရှမ်းပြည်ပြန်လည်ထူထောင်ရေးကောင်စီ/ ရှမ်းပြည်တပ်မတော် - RCSS/SSA သည် ရှမ်းပြည်နယ် တောင်ပိုင်းမိုင်းကိုင်မြို့နယ် တအာင်းမိဘပြည်သူများကို တပြည်နယ်ထဲ နေတိုင်းရင်းသားညီအစ်ကို မောင်နှမချင်းချင်း လူသားချင်းစာနာထောက်ထားမှု မရှိဘဲ ကိုယ်ထူကိုယ်ထပညာရေးကျောင်းများကို မတရားပိတ်ပင်ခြင်း၊ တပ်သားသစ်အတင်းအဓမ္မကောက်ခံခြင်း၊ မတရားဖမ်းဆီးထိန်းသိမ်းခြင်းနှင့် ခြိမ်းခြောက်ခြင်းများ ပြုလုပ်နေခြင်းတို့ကို ပြုလုပ်နေခြင်းအပေါ် မိမိတို့တအာင်းအဖွဲ့အစည်းများမှ များစွာစိုးရိမ်ပူပန်ရပါသည်။

 

 ၂။ RCSS/SSA သည် တို့ပါဝင် လက်မှတ်ရေးထိုးထားသောNCA စာချုပ်၏ အခန်း(၃) အပိုဒ်(၉)တွင် “အရပ်သားများကို အကာအကွယ်ပေးခြင်း” နှင့် “NCA စာချုပ်အရ“ နှစ်ဖက်လေးစားလိုက်နာရမည့် ပစ်ခတ်တိုက်ခိုက်မှုဆိုင်ရာ စည်းမျဉ်းစည်းကမ်းများနှင့် စစ်ဘက်ဆိုင်ရာကျင့်ဝတ်များ - CoC ”အရ NCA စာချုပ်တွင် လက်မှတ်ရေးထိုးထားသော အဖွဲ့အစည်းတို့သည် အရပ်သားပြည်သူများကို အကာအကွယ် ပေးရန် တာဝန်ရှိသော်လည်း NCA စာချုပ်အား မျက်ကွယ်ပြု ချိုးဖောက်ကာ မိုင်းကိုင်မြို့နယ်တွင် မြန်မာနိုင်ငံလုံးဆိုင်ရာ တအာင်းသံဃာတော်အဖွဲ့(ဗဟို) တအာင်းအမျိုးသမီး အဖွဲ့အစည်းနှင့် တအာင်းကျောင်းသားနှင့်လူငယ်များအဖွဲ့တို့မှ ဦးစီးဖွင့်လှစ်ထားသော ၂၀၁၅-၁၆ ပညာသင်နှစ် ဖွင့်လှစ်ပြီးသော ကိုယ်ထူကိုယ်ထပညာရေးကျောင်းပေါင်း (၂၃)ကျောင်း၊၂၀၁၆-၁၇ ပညာသင်နှစ်တွင် ဖွင့်လှစ်ရန်လျာထားသော ကျောင်းပေါင်း(၃၅)ကျောင်း စုစုပေါင်း(၅၅)ကျောင်းကို RCSS/SSAမှ ဖွင့်လှစ်ရန် ပိတ်ပင်ထားပါသည်။ ကျောင်းများဖွင့်လှစ်ရန် ပိတ်ပင်မှုကြောင့် ကျောင်းသား/သူပေါင်းထောင်နှင့်ချီကာ ပညာသင်ကြားခွင့် ဆုံးရှုံးနေရပါသည်။ ထို့အပြင် စာသင်ကျောင်းတွင် တာဝန်ထမ်းဆောင်နေသော စေတနာ့ဝန်ထမ်းဆရာ/မများကိုလည်း ခြိမ်းခြောက်နေမှုများရှိပြီး ကျောင်းများဖွင့်လှစ်နိုင်ရေးအတွက် ကြိုးပမ်းနေသော သံဃာတော်(၈)ပါးကိုလည်း မတရားဖမ်းဆီးထိန်းသိမ်းခဲ့ပါသည်။

 

၃။ ၂၀၁၆ခုနှစ် စက်တင်ဘာလတွင် မိုင်းနောင်မြို့နယ်၊ ကျွန်းတောင်ရွာ မိုင်းအိုက်လိုင်း နှင့် မိုင်းအိုက်ကျန်ကို ရိုက်နှက်ဖမ်းဆီးထိန်းသိမ်းထားခြင်းသော်လည်းကောင်း၊  မိုင်းကိုင်မြို့နယ်၊ နမ့်ခွန်အွန်း ကျေးရွာ နေဦးပေါ်အေးကို ယနေ့အချိန်ထိ ထိန်းသိမ်းထားခြင်းသော်လည်းကောင်း တက္ကသိုလ် ကျောင်းတက် နေဆဲဖြစ်သော ကျောင်းသား(၂)ဦးကိုသော်လည်းကောင်း၊ မိုင်းကိုင်မြို့နယ် တအာင်း(ပလောင်)အမျိုးသားပါတီအဖွဲ့ ခေါင်းဆောင်များကိုသော်လည်းကောင်း၊ ပြည်ပ (ထိုင်းနိုင်ငံ) သို့ သွားရောက်အလုပ်လုပ်ကိုင်နေကြသော တအာင်းလူငယ်များကိုသော်လည်းကောင်း RCSS/SSA တွင် စစ်မှု မထမ်းမနေရထမ်းဆောင်ပေးရမည်ဟု အမိန့်ပေးဆင့်ခေါ်ခဲ့သည်။ ပြန်မလာပါက ၎င်းတို့၏ ဆွေမျိုးသားချင်း နှင့် ၎င်းတို့ပိုင်ဆိုင်သော ပစ္စည်းဥစ္စာများကိုလည်း သိမ်းဆည်းမည်ဟု လူသားစာနာထောက်ထားမှု ကင်းမဲ့စွာခြိမ်းခြောက်နေသည်။

 

၎။ ပြည်ထောင်စု ရွေးကောက်ပွဲကော်မရှင်တွင် တရားဝင်မှတ်ပုံတင်ထားသော တအာင်း(ပလောင်) အမျိုးသားပါတီမှ မိုင်းကိုင်မြို့နယ် ပါတီဆိုင်ဘုတ်တင်ရုံးဖွင့်လှစ်ခြင်းကို လိုက်လံနှောင့်ယှက်သည့်အပြင် မိုင်းကိုင်မြို့နယ်တွင် နေထိုင်လျှက်ရှိသော တအာင်းမိဘပြည်သူများကို အမျိုးမျိုးခြိမ်းခြောက်ကာ လွတ်လပ်စွာသွားလာခြင်းနှင့် အလုပ်အကိုင် လုပ်ကိုင်စားသောက်ခြင်းကိုလည်း နည်းမျိုးစုံဖြင့် ဥပဒေကို လစ်လျူရှူ့ကာ နှောင့်ယှက်နေပါသည်။

 

၅။ သို့ဖြစ်ပါ၍ တပြည်နယ်ထဲနေတိုင်းရင်းသားအချင်းချင်းအား မလိုမုန်းတီးမှု အာဃာတထား ရန်ပြုနေမည့် အစားချစ်ချစ်ခင်ခင်ဖြင့် ငြိမ်းချမ်းစွာအတူ ယှဉ်တွဲနေထိုင်နိုင်စေရန်အတွက် အောက်ပါအတိုင်း တောင်းဆိုအပ်ပါသည်။

 

-       ရှမ်းပြည်မြောက်ပိုင်းရှိ RCSS/SSAတပ်များအား အမြန်ဆုံးချက်ချင်းဆုတ်ခွာပေးရန်နှင့် အပြစ်မဲ့ ပြည်သူများအား နည်းမျိုးစုံဖြင့် အကြမ်းဖက်ပြီး ဦးတည်တိုက်ခိုက်မှုများကို ချက်ချင်း ရပ်တန့်ပေးရန်။

-       RCSS/SSA နှင့် TNLA တို့ နှစ်ဖွဲ့ကြား ဖြစ်ပွါးနေသည့် ပစ်ခပ်တိုက်ခိုက်မှုများရပ်တန့်ပြီး နှစ်ဘက် တွေ့ဆုံဆွေးနွေးမှုများ အမြန်ဆုံး ဖော်ဆောင်ပေးရန်။

-       ရှမ်းပြည်တောင်ပိုင်းရှိ တအာင်း(ပလောင်) ကိုယ်ထူကိုယ်ထကျောင်းများ ပိတ်ပင်တားဆီးမှုကို ချက်ချင်းရပ်တန့်ပြီး လွတ်လပ်စွာဖွင့်လှစ်နိုင်ရေးအတွက် တိကျသော အာမခံချက်ပေးရန်နှင့် ထောင်ချီသောပညာသင် အရွယ်ကလေးငယ်များ၏ ပညာရေးအား မနှောင့်နှေးစေရန်။

-       ရှမ်းပြည်တောင်ပိုင်းရှိ တအာင်းမိဘပြည်သူများအပေါ် အတင်းအဓမ္မတပ်သားသစ် စုဆောင်းခြင်း၊ ညှဉ်းပန်းနှိပ်စက်ခြင်း၊ ခွဲခြားဆက်ဆံခြင်း၊ မတရားဆက်ကြေးကောက်ခံခြင်း၊ ပေါ်တာဆွဲခြင်း၊ မတရားဖမ်းဆီးခြင်း၊ ခြိမ်းခြောက်ခြင်း၊ ပိုင်ဆိုင်သောပစ္စည်းများလုယူခြင်း နှင့်ဖျက်ဆီးခြင်းများကို ချက်ချင်းရပ်တန့်ပေးရန်။

-       ကျူးလွန်ခဲ့သည့် လူ့အခွင့်အရေးချိုးဖောက်မှုများကို တရားဝင် ၀န်ချတောင်းပန်ရန်နှင့် တာဝန်ယူမှု တာဝန်ခံမှုရှိစွာဖြင့် ဖြေရှင်းပေးရန်။

-       တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် - NCA အား မပျက်မကွက် အလေးထားလိုက်ပါဆောင်ရွက်ရန်။

 

 

လေးစားစွာဖြင့်

တအာင်းအဖွဲ့အစည်းများ

 

ဆက်သွယ်ရန်

(၁) အရှင်တိက္ခဥာဏ                 ၀၉-၄၅၀ ၄၅၀၅ ၄၅

(၂) မိုင်းဆါည်ရံက်                     ၀၉-၂၆၃ ၀၁၁၀ ၇၆

 

(၃) မိုင်းအောင်ခမ်း                    ၀၉-၇၈၃ ၃၂၇၈ ၃၈

 

 

တောင်းဆိုချက်များ

ရှမ်းပြည်ပြန်လည် ထူထောင်ရေးကောင်စီ Shan State Restoration Council (RCSS) သို့

၁)ရှမ်းပြည်မြောက်ပိုင်းရှိ RCSSတပ်များအမြန်ဆုံးဆုတ်ခွာရန်နှင့် အပြစ်မဲ့ပြည်သူများ အားနည်းမျိုးစုံဖြင့် အကြမ်းဖက်ပြီး ဦးတည်တိုက်ခိုက်မှုများကို ချက်ချင်းရပ်တန့်ပေးရန်။

၂)RCSS/SSA နှင့် TNLA တို့နှစ်ဖွဲ့ကြား ဖြစ်ပွါးနေသည့် ပစ်ခပ်တိုက်ခိုက်မှုများ ရပ်တန့်ပြီး နှစ်ဘက် တွေ့ဆုံဆွေးနွေးမှုများ အမြန်ဆုံး ဖော်ဆောင်ပေးရန်။

၃)ရှမ်းပြည်တောင်ပိုင်းတွင်းရှိ RCSS တပ်များမှ အတင်းအဓမ္မတပ်သားသစ် စုဆောင်းခြင်း၊ ညှဉ်းပန်းနှိပ်စက်ခြင်း၊ ခွဲခြားဆက်ဆံခြင်း၊ မတရားဆပ်ကြေးကောက်ခံခြင်း၊ ပေါ်တာဆွဲခြင်း၊ မတရားဖမ်းဆီးခြင်း၊ ခြိမ်းခြောက်ခြင်း၊ ပိုင်ဆိုင်သောပစ္စည်းများ လုယူခြင်းနှင့် ဖျက်ဆီးခြင်းများစသည့် လူ့အခွင့်အရေးချိုးဖောက်မှု လုပ်ရပ်များအား ချက်ချင်းရပ်တန့်ပေးရန်။

၎)RSCC တပ်နှင့် တပ်သားများမှ ကျူးလွန်ခဲ့သောအပြစ်များအတွက် ပြည်သူများထံတရားဝင်ဝန်ချ တောင်းပန်ပြီး လူ့အခွင့်အရေးချိုးဖောက်မှုများကို တာဝန်ယူမှု တာဝန်ခံမှုရှိစွာ ဖြေရှင်းပေးရန်။

၅)ဒေသခံပြည်သူများအား ဘ၀ရပ်တည်ရှင်သန်ရေးအတွက် လွတ်လပ်စွာ ပုံမှန် သွားလာလုပ်ကိုင် စားသောက်မှုများ မလုပ်ဆောင်နိုင်အောင် ပိတ်ပင်ခြင်း၊ တားဆီးခြင်းနှင့် နှောင့်ယှက်ခြင်းစသည့် လုပ်ရပ်များအားချက်ချင်းရပ်တန့်ပေးရန်။

၆)လက်ရှိဖမ်းဆီးထိန်းသိမ်းထားသော ဒေသခံ ၃ ဦးကို ချွတ်ယွင်းချက်မရှိ ချက်ချင်းလွှတ်ပေးရန်။

၇)စစ်မှုထမ်းရန်အတွက် ဆင့်ခေါ်ခံရသော တအာင်းလူငယ်ကျောင်းသား၂ဦးနှင့် တအာင်း (ပလောင်)အမျိုးသားပါတီဝင် လူငယ်၃ဦးတို့အား တပ်သားစုဆောင်းရန်အတွက် ဆင့်ခေါ်ခြင်းမှ ရုပ်သိမ်း ပေးရန်။

၈)တောင်ပိုင်းရှိ တအာင်း(ပလောင်) ကိုယ်ထူကိုယ်ထ ကျောင်းများပိတ်ပင်တားဆီးမှုကို ချက်ချင်းရပ်တန့်ပြီး လွတ်လပ်စွာဖွင့်လှစ်နိုင်ရေးအတွက် ကူညီဆောင်ရွက်ရန်နှင့် တိကျသော အာမခံချက်ပေးရန်။

၉)ပြည်သူများအတွက် အနာဂတ် အေးချမ်းသာယာမှုကို မနှောင့်ယှက်ပါကြောင်း တရားဝင် အာမခံချက်ပေးရန်။

၁၀)စစ်ပွဲများကို အကြောင်းပြ၍ တအာင်(ပလောင်) လူထုအပေါ်ဦးတည်တိုက်ခိုက် အသုံးချနေမှုများကို ရပ်တန့်ပေးရန်။

၁၁)တအာင်း(ပလောင်) ပြည်သူလူထုများကို မတရားအတင်းအဓ္ဓမ စစ်သားစုဆောင်းခြင်း နှင့် စစ်မှုမထမ်းမနေရဟု နည်းမျိုးစုံဖြင့် ခြိမ်းခြောက်ခြင်းများ ရပ်တန့်ပေးရန်။

၁၂) ဒေသခံများ၏ နစ်နာဆုံးရှုံးမှုများကို ဒေသခံလူကြီးများနှင့် ပူးပေါင်း၍ ဖော်ထုတ်ပြီး ထိုက်သင့်တော် ပြန်လည်ကုစားမှုများ ဆောင်ရွက်ပေးရန်။

၁၃) တအာင်(ပလောင်)အမျိုးသားပါတီTNP ၏ တအာင်းပြည်သူများကြားပါတီအောင်နိုင်ရေးစည်းရုံးမှုများ၊ တိုးချဲ့မှုအခွင့်အရေးများကိုလွတ်လပ်စွာဆောင်ရွက်ရန်အတွက် ပိတ်ပင်နှောင့်ယှက်မှုများကိုရပ်တန့်ပေးရန်။

၁၄) RCSS မှ စွဲကိုင်ထားသည့် လူမျိုးကြီးဝါဒ နှင့် လူမျိုးခွဲခြားရေးကို ဦးတည်သည့် အပြုအမူများကို ရပ်တန့်ပေးရန်။

၁၅)နိုင်ငံတကာ သဘောတူစာချူပ်များကို အသိအမှတ်ပြုပြီး လေစားလိုက်နာဆောင်ရွက်ရန်။

 

ပူးတွဲစောင့်ကြည့်ရေးကော်မတီ Joint Monitoring Committee (JMC)သို့

·         NCAစာချုပ်အား လက်မှတ်ရေးထိုးထားပြီး စာချုပ်ပါသဘောတူညီချက်များကို ချိုးဖောက်နေသည့်စာချုပ်အဖွဲ့ဝင် RCSS/SSAအား သက်ရာဆိုင်ရာ JMCအဖွဲ့မှ အရေးယူဆောင်ရွက်ပေးရန်။

·         နိုင်ငံတော်အစိုးရမှ ဒေသခံပြည်သူများကို တရားဥပဒေကင်းမဲ့စွာဖြင့် မတရားဖမ်းဆီးချုပ်နှောင်ခြင်း၊ ညှဉ်းပမ်းနှိပ်စက်ခြင်း၊ သတ်ဖြတ်ခြင်း၊ အဓ္ဓမပြုကျင့်ခြင်းစသည့် ရာဇ၀တ်မှုများကျူးလွန်နေသော ပုဂ္ဂိုလ်နှင့်အဖွဲ့အစည်းများကို စုံစမ်းဖော်ထုတ်ပြီး ဥပဒေအရအရေးယူပေးရန်။

·         စစ်ပွဲဖြစ်ပွားရာ နေရာဒေသရှိ ပြည်တွင်းရွှေ့ပြောင်းဒုက္ခသည်များ (IDP)၏ အသက်အိုးအိမ် လုံခြုံစွာဖြင့် နေရပ်ပြန်နိုင်ရေးအား ကူညီဆောင်ရွက်ပြီး အနာတယနှင့် နစ်နာဆုံးရှုံးမှုများအတွက် ပြန်လည်ကုစားရေးလုပ်ငန်းများ လုပ်ဆောင်ပေးရန်။

·         နိုင်ငံတကာ လူသားချင်းစာနာထောက်ထားမှုအဖွဲ့အစည်းများမှ ပြည်တွင်းရွှေ့ပြောင်းဒုက္ခသည် (IDP)များအား ကူညီထောက်ပံ့မှုများလွတ်လပ်စွာ လုပ်ဆောင်နိုင်ရေးအတွက် ခွင့်ပြုပေးရန်။

 

 

 

 

 

 

မူးယစ်ဆေးဝါးကြားက ဒုက္ခသံ
လစ်လျူရှု့ခံဘဝများ

PWO အကြောင်း

PWO-Logo

 ပလောင်အမျိုးသမီးအစည်းအရုံးကို အမျိုးသမီးများအား ပညာပေးရန်နှင့် စွမ်းရည်မြှင့်တင်ဆောင်ရွက်ပေးရန် ရည်ရွယ်ဖွဲ့စည်းခြင်းဖြစ်ပါသည်။ သို့မှသာလျှင် သူတို့၏ ကိုယ်ပိုင်ပြဌာန်းခွင့်ကို ပိုမိုခိုင်မာစွာ ကျင့်သုံးလာနိုင်ပြီး လူမှုအဖွဲ့အစည်းအတွင်း တန်းတူရည်တူပါဝင်ဆောင်ရွက်လာနိုင်စေရန်ဖြစ်ပါသည်။

Read More...

နောက်ခံသမိုင်း

မွန်ဂိုလွိုက်လူမျိုးနွယ်ကြီး၏ မူရင်းဒေသမှ အာရှတိုက်တွင် အများဆုံးနေထိုင်ကြပြီး အထူးသဖြင့် အာရှတိုက် မြောက်ပိုင်း၊ အလယ်ပိုင်း၊ အရှေ့ပိုင်းနှင့် အရှေ့တောင်ပိုင်းတို့၌ ပျံ့နှံ့နေထိုင်ကြသည်။ ထို့ကြောင့် ဗီယက်နမ်၊ ခမာ၊ မွန်၊ ဝ၊ ပလောင် (ရိအာန်) မုဏ္ဍ၊ ဆန်သာလ်၊ ခါဆီစသော လူမျိုးတို့သည် မွန်ခမာအနွယ်မှ ပေါက်ဖွားလာသော

Read More...

မိုင်းအိုက်ပန်း(ခ) ကိုမြမောင်

 မိုင်းအိုက်ပန်း(ခ) ကိုမြမောင်    ၁၉၆၂-၂ဝဝ၂ ၇၁ ဦးမြောက် အကျဉ်းထောင်အတွင်း သေဆုံးရသူနိုင်ငံရေးအကျဉ်းသားရဲဘော် မိုင်းအိုက်ပန်းသည် ၁၉၈၄ ခုနှစ်တွင် ပလောင်ပြည်နယ် လွတ်မြောက်ရေးပါတီ အဖွဲ့ဝင်တစ်ဦးအဖြစ် စတင် ပါဝင်လာခဲ့ပါသည်။ ၁၉၈၆ ခုနှစ်တွင် ကရင်အမျိုးသားအစည်းအရုံး မာနယ်ပလောဌာနချူပ်ရှိ အမျိုးသားဒီမိုကရေစီတပ်ပေါင်းစု (မဒတ) ဗဟိုဌာနချူပ်ရုံးသို့ ပလောင်ပြည်နယ်လွတ်မြောက်ရေးပါတီ၏ ကိုယ်စားလှယ်အဖြစ်စေလွှတ်ခြင်းခံခဲ့ရပါသည်။

Read more...