နမ့်ခမ်းမြို့နယ်ရှိ ကျေးရွာပေါင်း (၉)ရွာ လူဦးရေ ၁၇၇၀ယောက်တို့သည် စစ်ပွဲကြောင့် ထွက်ပြေးတိမ်းရှောင်ခဲ့ရ

Print
Category: News
Published Date
Written by Admin Hits: 126

 အစိုးရစစ်တပ်နှင့် TNLA တပ်ရင်း ၁၂၂ တို့သည် မတ်လ ၂၄ရက်နေ့တွင် မူဆယ်ခရိုင် နမ့်ခမ်းမြို့နယ်

လွယ်မွန်းကျေးရွာနှင့် ကောင်းဝိုင်းကျေးရွာကြားတွင် ပြင်းထန်စွာ တိုက်ပွဲဖြစ်ပွားခဲ့ရာ ရွာသူ၊ ရွာသား ၁၇၇၀ဦးဖြင့် နမ့်ခမ်းမြို့ ဟိုနားရွာနှင့် ကုန်းတပ်ရွာသို့ ထွက်ပြေးတိမ်းရှောင်ခဲ့ပြီး အရေးပေါ်ကူညီထောက်ပံ့ရေး လိုအပ်နေကြောင်း သိရှိရသည်။

ထွက်ပြေးတိမ်းရှောင်ခဲ့သော ကျေးရွာမှာ ကောင်းဝိုင်း၊ တုန့်ကန်၊ မန်ကောင်၊ အွမ်လော၊ မန်စပ် (အွယ်လော)၊ မန်ကျန်း၊ ပါင်ခါး၊ လွယ်မွန်းနှင့် မန်ကန် စုစုပေါင်း (၉)ရွာတို့ဖြစ်ပြီး အိမ်ထောင်စု (၃၅၄)စုရှိပြီး အမျိုးသမီး ၁၀၅၇ဦးနှင့်အမျိုးသား ၇၁၃ဦး စုစုပေါင်း ၁၇၇၀ ဦး ပါသည်။ ကလေး ဦးရေကို တိတိကျကျ မသိရှိသေးပါ။ ဘုန်းကြီးကျောင်းနှင့် ဇရပ်ကျောင်းသို့ လာရောက်ခိုလုံခဲ့ကြသည်။

‘’ မြန်မာတပ်နဲ့ တအာင်းတပ်တို့က တိုက်ပွဲတော်တော်ပြင်းတယ်။ သူတို့ဖြစ်တာကတော့ လွယ်မွန်းနဲ့ ကောင်းဝိုင်းကြား မှာ ဖြစ်ပွားတာပါ။ ဒီနှစ်ခု ကြားမှာဖြစ်တော့ ကြားမှာနေ တဲ့ကျေး ရွာတွေ ကတော့   ကြောက်လန့်ကြတယ်။ တချို့ နီးနားမှာနေတဲ့ ကျေးရွာတွေကတော့ သူတို့က ကြားမှာ မရှိပေမယ့် အနီးအနားတ၀ိုက်မှာဖြစ်တော့ လုံခြုံရေးအတွက် အရမ်းစိုးရိမ်ပြီး ထွက်ပြေး လာခဲ့ကြပါတယ်။ ကျနော်တို့ ထွက်ပြေးလာတာလဲ ဘာအသုံးအဆောင်မှ မသယ်လာရဲကြပါဘူး။ ကြောက်ကြောက်နဲ့ ထွက်ပြေး လာကြပါတယ်” ဟု ထွက်ပြေးတိမ်ရှောင်နေသော ရွာသားတ ဦးမှ ပြောပြခဲ့သည်။

ထွက်ပြေးတိမ်းရှောင်ခဲ့သော ရွာသားအများစုမှာ အမျိုးသမီးများဖြစ်ကြပါသည်။ အမျိုးသားများသည် ကျေးရွာတွင် ကျန်ရစ်ခဲ့ပါသည်။ အစိုးရတပ်များသည် အမျိုးသားများ ထွက်မပြေးရန် တားဆီးပိတ်ပင်ထား ပါသည်။ အားလုံး ထွက်ပြေးပါက ရွာလုံးကျွတ် မီးရှို့ပစ်မည်ဟု ခြိမ်းခြောက်ပြောဆိုသည့်အတွက် ရွာသားများသည် ကျေးရွာတွင်း တွင်သာ ကြောက်ကြောက်ရွံ့ရွံ့ နှင့် နေထိုင်ခဲ့ကြရသည်ဟုထပ်မံ   ပြောဆိုခဲ့ပါသည်။ စစ်ပြေးဒုက္ခသည်များသည် စားနပ်ရိက္ခာအတွက် အခက်အခဲဖြစ်ပြီး အရေးပေါ် ကူညီမှု လိုအပ်ကြောင်း ပြောခဲ့ပါသည်။ အစိုးရ သက်ဆိုင်ရာ ဌာနများသည် ဆန် (၁၂)အိတ်ဖြင့် လာရောက် ကူညီမှုရှိပြီး အခြားသော ကူညီမှုများသည် ဒေသခံနှင့် တာဝန်ရှိသော တအာင်းခေါင်းဆောင်များ၊ တအာင်းအမျိုးသမီးအဖွဲ့အစည်းမှ လာရောက်ကူညီခဲ့သော်လည်း ဆက်ရှေ့ အိမ်ပြန်ရန် မဖြစ်သေးပါက အကူအညီလိုအပ်နေသေးသည်။

 ‘’ ကျမတို့ ၂၄ရက်နေ့ ကတည်းက ထွက်လာတယ်။ ကျမတို့ကို နမ့်ခမ်းဌာနဆိုင်ရာက ဆန် ၁၂အိတ် ကူညီပေးပါတယ်။ ကျန်တာကတော့ ဒေသခံတွေပါ။ ပြီးတော့ တအာင်းအမျိုးသမီးတွေ လာရောက် ကူညီပါတယ်။ ဒါပေမယ့် ကျမတို့ အားလုံးအတွက် မလုံလောက်သေးပါဘူး။ ကျမတို့ ထွက်ပြေးတုန်းက ပစ္စည်းတွေ၊ အ၀တ်အစားတွေ ဘာတခုမှ မယူလာခဲ့ကြဘူး။အရမ်းလည်း  ကြောက်တယ်။ ကိုယ်လွတ်ရုန်း ကန်နေရသလို သား၊ သမီးရှိတဲ့လူတွေလည်း သားသမီးကို ခေါ်ပြီး ထွက်ပြေးခဲ့ကြရတယ်။ ကျမတို့ ဆောင်၊ ခြင်ထောင် လိုအပ်ပါတယ်။ အကယ်၍ ဗမာစစ် တပ်က ရွာမှာပဲ ဆက် ရှိနေတယ်ဆိုရင် ကျမတို့က မပြန်ရဲသေးဘူး။ ဒါကြောင့် ကျမတို့အတွက် စားနပ်ရိက္ခာနဲ့ နေထုိုင်စရာ လိုအပ်သေးတယ် ’’ ဟု စစ်ပြေးဒုက္ခသည် တဦးမှ  ပြောပြ ခဲ့သည်။

စစ်ပွဲဖြစ်ပွားသည့်အခါတွင် လွယ်မွန် ရွာသားတဦးသည် သူ၏ မိသားစုနှင့် ထွက်ပြေးတိမ်းရှောင်ရန် သွားသည့်အခါတွင် အစိုးရစစ်တပ်သည် ထွက်မသွားရန်အတွက် တားဆီးပိတ်ပင်သည့်အပြင် ညဉ်းပန်းနှိပ်စက်ခဲ့သည်ဟု ရွာသားမှ ထပ် မံပြောပြခဲ့ပါသည်။ ယခုလက်ရှိ အစိုးရစစ်တပ်သည် လွယ်မွန်ကျေးရွာထဲတွင် ရှိပြီး TNLA တပ်သည်လည်း ကောင်းဝိုင်းကျေးရွာပြင်ပ တလျှောက်တွင် ရှိနေသေး သည့်အတွက်ကြောင့် ရွာသူ၊ ရွာသား များ  ပြင်းထန်သော တိုက်ပွဲ ထပ်မံဖြစ်ပွား မည်ကို စိုးရိမ်နေကြသည်။ ထွက်ပြေးတိမ်းရှောင်ခဲ့သော စစ်ပြေးဒုက္ခသည်များသည်လည်း မိမိတို့  ကျေးရွာသို့ပြန် သွားေ စ လိုကြ ပါသည်ဟု သိရှိရသည်။

ပလောင်အမျိုးသမီးအဖွဲ့အစည်း
မှတ်တမ်းနှင့်သုတေသနဌာန

မူးယစ်ဆေးဝါးကြားက ဒုက္ခသံ
လစ်လျူရှု့ခံဘဝများ

PWO အကြောင်း

PWO-Logo

 ပလောင်အမျိုးသမီးအစည်းအရုံးကို အမျိုးသမီးများအား ပညာပေးရန်နှင့် စွမ်းရည်မြှင့်တင်ဆောင်ရွက်ပေးရန် ရည်ရွယ်ဖွဲ့စည်းခြင်းဖြစ်ပါသည်။ သို့မှသာလျှင် သူတို့၏ ကိုယ်ပိုင်ပြဌာန်းခွင့်ကို ပိုမိုခိုင်မာစွာ ကျင့်သုံးလာနိုင်ပြီး လူမှုအဖွဲ့အစည်းအတွင်း တန်းတူရည်တူပါဝင်ဆောင်ရွက်လာနိုင်စေရန်ဖြစ်ပါသည်။

Read More...

နောက်ခံသမိုင်း

မွန်ဂိုလွိုက်လူမျိုးနွယ်ကြီး၏ မူရင်းဒေသမှ အာရှတိုက်တွင် အများဆုံးနေထိုင်ကြပြီး အထူးသဖြင့် အာရှတိုက် မြောက်ပိုင်း၊ အလယ်ပိုင်း၊ အရှေ့ပိုင်းနှင့် အရှေ့တောင်ပိုင်းတို့၌ ပျံ့နှံ့နေထိုင်ကြသည်။ ထို့ကြောင့် ဗီယက်နမ်၊ ခမာ၊ မွန်၊ ဝ၊ ပလောင် (ရိအာန်) မုဏ္ဍ၊ ဆန်သာလ်၊ ခါဆီစသော လူမျိုးတို့သည် မွန်ခမာအနွယ်မှ ပေါက်ဖွားလာသော

Read More...

မိုင်းအိုက်ပန်း(ခ) ကိုမြမောင်

 မိုင်းအိုက်ပန်း(ခ) ကိုမြမောင်    ၁၉၆၂-၂ဝဝ၂ ၇၁ ဦးမြောက် အကျဉ်းထောင်အတွင်း သေဆုံးရသူနိုင်ငံရေးအကျဉ်းသားရဲဘော် မိုင်းအိုက်ပန်းသည် ၁၉၈၄ ခုနှစ်တွင် ပလောင်ပြည်နယ် လွတ်မြောက်ရေးပါတီ အဖွဲ့ဝင်တစ်ဦးအဖြစ် စတင် ပါဝင်လာခဲ့ပါသည်။ ၁၉၈၆ ခုနှစ်တွင် ကရင်အမျိုးသားအစည်းအရုံး မာနယ်ပလောဌာနချူပ်ရှိ အမျိုးသားဒီမိုကရေစီတပ်ပေါင်းစု (မဒတ) ဗဟိုဌာနချူပ်ရုံးသို့ ပလောင်ပြည်နယ်လွတ်မြောက်ရေးပါတီ၏ ကိုယ်စားလှယ်အဖြစ်စေလွှတ်ခြင်းခံခဲ့ရပါသည်။

Read more...