မြန်မာ့တပ်မတော်မှ မွေးရာပါ ဆွံ့အ နားမကြားသူ ရွာသားတစ်ဦးအား ဖမ်းဆီးရိုက်နှက်

Print
Category: News
Published Date
Written by Admin Hits: 99

ပလောင်ကိုယ်ပိုင်အုပ်ချုပ်ခွင့်ရဒေသ နမ့်ဆန်မြို့နယ် ကွမ်းဟယ်ကျေးရွာတွင် နေထိုင်သော မွေးရာပါ စကား မပြောတတ်၊ နားမကြားသူ ရွာသားတစ်ဦးမှ ဘုန်းကြီးကျောင်းနားတွင် ရေသွားခပ်နေစဉ် မြန်မာ့ တပ်မတော်မှ ယနေ့ နံနက် ၇ နာရီ ၀န်ကျင်ခန့်တွင် ဖမ်းဆီးကာ ညှဉ်းပန်းနှိပ်စက်သည်။


ရိုက်နှက်ခံရသော ရွာသားသည် မိဘမရှိတော့ဘဲ အစ်မနှင့်သာ နေထိုင်သူဖြစ်ပြီး မနက်ခင်းတိုင်းတွင် ပုံမှန် ရေခပ်နေသူဖြစ်ပြီး နေ့ခင်းတွင် အလုပ်သွားလုပ်နေရသူဖြစ်သည်ဟု သိရသည်။


ရွာသားတစ်ဦးပြောချက်အရ “ အိုက်မောင်(နာမည်လွဲ)က မွေးကတည်းက စကားလည်းမပြောတတ်သလို နားလည်းမကြားဘူး၊ စစ်သားတွေ သူ့ကိုလာခေါ်တော့ ကြောက်လန့်ပြီး ပြေးဖို့လုပ်နေတဲ့ချိန် သူ့ကို ကြိုးတုတ်ပြီး ဖမ်းလိုက်တာ၊ ပြီးတော့ သူ့ကို ရိုက်တာ တစ်ကိုယ်လုံး ဒဏ်ရာရပြီး လမ်းတောင် မလျှောက် နိုင်တော့ဘူး ” ဟုပြောသည်။


မြန်မာ့တပ်မတော်သည် အိုက်မောင်၏ ဦးခေါင်း၊ မျက်နှာ၊ လက်၊ ခြေထောက်ကို ရိုက်နှက်သောကြောင့် မျက်နှာ ဖောရောင်ကာ မျက်လုံး သိပ်မမြင် နိုင်သည့်အပြင် အိပ်ယာထဲတွင် လဲလျောင်းပြီး လမ်းမလျှောက် နိုင်တော့ကြောင်း ထပ်မံသိရသည်။


အိုက်မောင် ကိစ္စနှင့် ပတ်သက်၍ ရွာသူကြီးမှ  မည်သည့်ဆေးခန်းတွင် ဆေးမကုသရန်၊ မည်သည့် အဖွဲ့အစည်း တွင် မတိုင်ကြားရန်၊ ဥက္ကဌထံ မပြောရန်ဟု လက်မှတ်ရေးထိုးမှသာ လွတ်ပေးမည်ဟု ပြောသော ကြောင့်  ရွာသူကြီးမှ ပြောသည့်အတိုင်း လက်မှတ်ရေးထိုးရသည်။
ထို့အပြင် ဒဏ်ရာရရှိသူ အိုက်မောင်အား မည်သည့်ဆေးခန်းတွင် ဆေးမကုသရ - မပြရ၊ ကျတော်တို့ ကိုယ်တိုင် လာရောက် ဆေးကုသပေးမည်ဟု ပြောသော်လည်း ယခုချိန်ထိ လာရောက်ကြည့်ရှုခြင်း မရှိဟု သိရသည်။

မူးယစ်ဆေးဝါးကြားက ဒုက္ခသံ
လစ်လျူရှု့ခံဘဝများ

PWO အကြောင်း

PWO-Logo

 ပလောင်အမျိုးသမီးအစည်းအရုံးကို အမျိုးသမီးများအား ပညာပေးရန်နှင့် စွမ်းရည်မြှင့်တင်ဆောင်ရွက်ပေးရန် ရည်ရွယ်ဖွဲ့စည်းခြင်းဖြစ်ပါသည်။ သို့မှသာလျှင် သူတို့၏ ကိုယ်ပိုင်ပြဌာန်းခွင့်ကို ပိုမိုခိုင်မာစွာ ကျင့်သုံးလာနိုင်ပြီး လူမှုအဖွဲ့အစည်းအတွင်း တန်းတူရည်တူပါဝင်ဆောင်ရွက်လာနိုင်စေရန်ဖြစ်ပါသည်။

Read More...

နောက်ခံသမိုင်း

မွန်ဂိုလွိုက်လူမျိုးနွယ်ကြီး၏ မူရင်းဒေသမှ အာရှတိုက်တွင် အများဆုံးနေထိုင်ကြပြီး အထူးသဖြင့် အာရှတိုက် မြောက်ပိုင်း၊ အလယ်ပိုင်း၊ အရှေ့ပိုင်းနှင့် အရှေ့တောင်ပိုင်းတို့၌ ပျံ့နှံ့နေထိုင်ကြသည်။ ထို့ကြောင့် ဗီယက်နမ်၊ ခမာ၊ မွန်၊ ဝ၊ ပလောင် (ရိအာန်) မုဏ္ဍ၊ ဆန်သာလ်၊ ခါဆီစသော လူမျိုးတို့သည် မွန်ခမာအနွယ်မှ ပေါက်ဖွားလာသော

Read More...

မိုင်းအိုက်ပန်း(ခ) ကိုမြမောင်

 မိုင်းအိုက်ပန်း(ခ) ကိုမြမောင်    ၁၉၆၂-၂ဝဝ၂ ၇၁ ဦးမြောက် အကျဉ်းထောင်အတွင်း သေဆုံးရသူနိုင်ငံရေးအကျဉ်းသားရဲဘော် မိုင်းအိုက်ပန်းသည် ၁၉၈၄ ခုနှစ်တွင် ပလောင်ပြည်နယ် လွတ်မြောက်ရေးပါတီ အဖွဲ့ဝင်တစ်ဦးအဖြစ် စတင် ပါဝင်လာခဲ့ပါသည်။ ၁၉၈၆ ခုနှစ်တွင် ကရင်အမျိုးသားအစည်းအရုံး မာနယ်ပလောဌာနချူပ်ရှိ အမျိုးသားဒီမိုကရေစီတပ်ပေါင်းစု (မဒတ) ဗဟိုဌာနချူပ်ရုံးသို့ ပလောင်ပြည်နယ်လွတ်မြောက်ရေးပါတီ၏ ကိုယ်စားလှယ်အဖြစ်စေလွှတ်ခြင်းခံခဲ့ရပါသည်။

Read more...