မြန်မာ့တပ်မတော် အကြောင်းမဲ့ ရိုက်နှက်မှုကြောင့် ဒေသခံ တစ်ဦး (၇) ရက် သတိလစ်ပြီးနောက် သေဆုံး

Print
Category: News
Published Date
Written by Admin Hits: 76

 

မတ်လ ၁ ရက်နေ့ ၂၀၁၇ ခုနှစ်

ဖေဖော်ဝါရီလ ၂၃ ရက်နေ့ ၂၀၁၇ ခုနှစ်တွင် နမ့်ဆန်မြို့နယ် ဟိုမိန်းကျေးရွာတွင် နေထိုင်သော ဦးအိုက်ဆောင်သည် ရွာတွင်းရှိ နေအိမ်တအိမ်တွင် အမျိုးသမီးငယ်တစ်ဦးမှ ငိုယိုနေသည်ကို တွေ့၍ ဘာကြောင့် ငိုနေသည်ကို လှမ်းမေးမြန်းနေစဉ် မြန်မာ့တပ်မတော် တပ်မ (၈၈)မှ တပ်သားတစ်ဦးသည် ဦးအိုက်ဆောင်အား အကြောင်းပြချက် မရှိ ၀ါးလုံးဖြင့် ရိုက်နှက်ခဲ့သောကြောင့် (၇) ရက်လုံး သတိလစ်ကာ လားရှိုးပြည့်သူ့ဆေးရုံသို့ လာရောက်ကုသမှုခံယူပြီး ယနေ့ မတ်လ ၁ ရက်၊ နေ့လည် ၁၁ နာရီဝန်းကျင်တွင် သေဆုံးသွားခဲ့သည်။

 

ရွာသားတစ်ဦးပြောချက်အရ “ ဗမာစစ်သားတစ်ယောက်နဲ့ အမျိုးသမီးတစ်ယောက် အချင်းချင်း စကားပြော နေတဲ့ချိန် အမျိုးသမီးက ငိုနေတာတွေ့တော့ ဦးအိုက်ဆောင်က ဘာဖြစ်လို့ငိုတာလဲဆိုပြီး လှမ်းမေးတာ၊ အဲဒီဗမာစစ်သားက ဦးအိုက်ဆောင်ကို ရွာဥက္ကဌလား၊ ဘာဆိုင်လို့မေးတာလဲ ဆိုပြီး ရိုက်လိုက်တာ၊” ဟုပြောသည်။

မြန်မာ့တပ်မတော် အဖွဲ့မှ ရိုက်နှက်ခံရသော ဦးအိုက်ဆောင်၏ ဦးခေါင်းအားချုပ်ပေးကာ မည်သည့် ဆေးရုံမှ သွားရောက်ကုသမှု မပြုလုပ်ရန် တားဆီးခဲ့သည်။

လူနာစောင့်တစ်ဦးပြောချက်အရ “ ဗမာစစ်သား တစ်ယောက်က ဦးအိုက်ဆောင် ခေါင်းကို ၀ါးလုံးနဲ့ ရိုက်လိုက် တော့ သွေးတွေအများကြီး ထွက်လာတယ်၊ သူရိုက်ခံရပြီးတဲ့နောက် ၁၅-၂၀ မိနစ်လောက်မှာ လမ်းလျှောက်-စကားပြောနိုင်သေးတယ်၊ ဒါပေမဲ့ ရွာမှာရှိတဲ့ ဗမာစစ်သား တစ်ဖွဲ့က ဦးအိုက်ဆောင်ခေါင်းကို ချုပ်ပေးပြီး ဆေးတွေထိုးပေးတယ်၊ ဆေးထိုးပြီးတဲ့နောက် သတိလစ်သွားတာ ယနေ့ချိန်ထိဘဲ၊ ” ဟုပြောသည်။

ဦးအိုက်ဆောင် လားရှိုး ဆေးရုံသို့ သွားရောက်ကုသမှုခံယူနိုင်ရန်အတွက် ရွာဥက္ကဌနှင့် တာဝန်ရှိသူ ရွာလူကြီးများမှ ယာယီဆေးကုသမှုပေးနေသော မြန်မာ့တပ်မတော်ထံသို့ မကြာခဏသွားရောက် တောင်းဆို နေသောကြောင့် ဖေဖော်ဝါရီ ၂၄ ရက်ညနေမှ ခွင့်ပြုချက်ရကာ လားရှိုးပြည်သူ့ဆေးရုံသို့ လာရောက်ကုသမှု ခံယူခဲ့သည်။

ဦးအိုက်ဆောင်ဇနီးပြောချက်အရ “ ကျမအမျိုးသား ဆေးရုံပို့ဖို့အတွက် နောက်မှ ရောက်လာပြီး ဆေးထိုးပေးတဲ့ ဗမာစစ်သားတွေဆီ ခွင့်ပြုချက်တောင်းနေရတယ်၊ အစောပိုင်းတော့ သူတို့က ကုပေးမယ်ဆိုပြီး ဆေးရုံ ပေးမသွားဘူး၊ သူ (ဦးအိုက်ဆောင်) အခြေအနေ မကောင်းဘူး ဆေးရုံတက်ခွင့်ပေးပါဆိုပြီး ရွာဥက္ကဌနဲ့ တခြားရွာလူကြီးတွေ ခဏခဏတောင်းဆိုလို့ နောက်တစ်ရက် ညနေ ရောက်မှ ဆေးကုပေးနေတဲ့ အဖွဲ့က ဆေးဖိုးအနေနဲ့ ပိုက်ဆံ (၅)သိန်းပေးပြီး သွားခွင့်ပြုတယ်၊” ဟုပြောသည်။

ရိုက်နှက်ခံရသော ဦးအိုက်ဆောင်အာ မြန်မာ့တပ်မတော် တပ်မ (၈၈)မှ တပ်သားတစ်ဦးသည် ဖေဖော်ဝါရီ ၂၄ ရက်နေ့တွင် ပိုက်ဆံ (၇)သောင်းဖြင့် ဦးအိုက်ဆောင်အိမ်သို့ သွားရောက်ကာ ရိုက်နှက်မိသည့်အတွက် မှားယွင်းကြောင်း ၊၀န်ခံကာ ခွင့်လွှတ်ပေးပါရန်ု လာရောက်တောင်းပန်ခဲ့သည်ဟုသိရသည်။

 

မှတ်တမ်းနှင့်သုတေသနဌာန
တအာင်းအမျိုးသမီး အဖွဲ့အစည်း

မူးယစ်ဆေးဝါးကြားက ဒုက္ခသံ
လစ်လျူရှု့ခံဘဝများ

PWO အကြောင်း

PWO-Logo

 ပလောင်အမျိုးသမီးအစည်းအရုံးကို အမျိုးသမီးများအား ပညာပေးရန်နှင့် စွမ်းရည်မြှင့်တင်ဆောင်ရွက်ပေးရန် ရည်ရွယ်ဖွဲ့စည်းခြင်းဖြစ်ပါသည်။ သို့မှသာလျှင် သူတို့၏ ကိုယ်ပိုင်ပြဌာန်းခွင့်ကို ပိုမိုခိုင်မာစွာ ကျင့်သုံးလာနိုင်ပြီး လူမှုအဖွဲ့အစည်းအတွင်း တန်းတူရည်တူပါဝင်ဆောင်ရွက်လာနိုင်စေရန်ဖြစ်ပါသည်။

Read More...

နောက်ခံသမိုင်း

မွန်ဂိုလွိုက်လူမျိုးနွယ်ကြီး၏ မူရင်းဒေသမှ အာရှတိုက်တွင် အများဆုံးနေထိုင်ကြပြီး အထူးသဖြင့် အာရှတိုက် မြောက်ပိုင်း၊ အလယ်ပိုင်း၊ အရှေ့ပိုင်းနှင့် အရှေ့တောင်ပိုင်းတို့၌ ပျံ့နှံ့နေထိုင်ကြသည်။ ထို့ကြောင့် ဗီယက်နမ်၊ ခမာ၊ မွန်၊ ဝ၊ ပလောင် (ရိအာန်) မုဏ္ဍ၊ ဆန်သာလ်၊ ခါဆီစသော လူမျိုးတို့သည် မွန်ခမာအနွယ်မှ ပေါက်ဖွားလာသော

Read More...

မိုင်းအိုက်ပန်း(ခ) ကိုမြမောင်

 မိုင်းအိုက်ပန်း(ခ) ကိုမြမောင်    ၁၉၆၂-၂ဝဝ၂ ၇၁ ဦးမြောက် အကျဉ်းထောင်အတွင်း သေဆုံးရသူနိုင်ငံရေးအကျဉ်းသားရဲဘော် မိုင်းအိုက်ပန်းသည် ၁၉၈၄ ခုနှစ်တွင် ပလောင်ပြည်နယ် လွတ်မြောက်ရေးပါတီ အဖွဲ့ဝင်တစ်ဦးအဖြစ် စတင် ပါဝင်လာခဲ့ပါသည်။ ၁၉၈၆ ခုနှစ်တွင် ကရင်အမျိုးသားအစည်းအရုံး မာနယ်ပလောဌာနချူပ်ရှိ အမျိုးသားဒီမိုကရေစီတပ်ပေါင်းစု (မဒတ) ဗဟိုဌာနချူပ်ရုံးသို့ ပလောင်ပြည်နယ်လွတ်မြောက်ရေးပါတီ၏ ကိုယ်စားလှယ်အဖြစ်စေလွှတ်ခြင်းခံခဲ့ရပါသည်။

Read more...