မြန်မာတပ်မတော်မှ ဖဒဲန်ရွာအတွင်းဝင်ရောက်ဖျက်ဆီးပြီး ရွာသားတစ်ဦးကိုဖမ်းဆီး

Print
Category: News
Published Date
Written by Admin Hits: 319

ရှမ်းပြည်နယ်မြောက်ပိုင်း၊ မူဆယ်ခရိုင် ၊ နမ့်ခမ်းမြို့နယ် ၊ ဆိုင်တောင်၊ မန်ကန် ၊ ဖာဒဲန်ကျေးရွာများတွင် ယနေ့ မေ ၁၃ ရက်နေ့ ၂၀၁၄ ခုနှစ်တွင် မြန်မာတပ်မတော် ခလရ ( ၃၀၁) ၊ တပ်မ (၈၈) တုို့သည် ရပ်ရွာ အတွင်းဝင်လာပြီး အကြောင်းပြချက်မရှိပဲ ရွာသားများအား သောင်းကျန်းစစ်ဆေး မေးမြန်းပြီး အိမ်အတွင်းရှိပစ္စည်းများကို ရိုက်ချိုးဖျက်ဆီးခဲ့ပြီး ဖာဒဲန်ရွာသားတစ်ဦးကိုလည်း ဖမ်းဆီးချုပ်နှောင် ထားပါသည်။

ထို့ပြင် ရွာသားများ၏ ငွေကြးကိုလည်း လုယူ သွားခဲ့ပါသည်။ ဒေသ ခံတစ်ဦး၏ပြောပြချက်အရ “ စစ်ကြောင်းထိုးဝင်တာက မနေ့က။ ဒီနေ့ကတော့ သူတို့သူများအိမ် ကိုတစ်အိမ်ဝင်တစ်အိမ်ထွက် လိုက်စစ်နေတာ။ ဆိုင်တောင်ရွာ ၊ မန်ကန်ရွာ ဖာဒဲန်ရွာ အကုန်လုံး စစ်ဆေးတာ။ တားကျော်လှ တို့အိမ်မှာဆို သူတို့ ပိုသောင်းကျန်းတယ်။ သူတို့ရဲ့ ဗီဒိုလည်း ရိုက်ကွဲတယ်။ သေတ္တာ တွေလည်းရိုက်ခွဲတယ်။ တားကျော်လှရဲ့သားကိုလည်းသေနတ်နဲ့ချိန်ထားတယ်။ ဘယ်မှမသွားရဘူးတဲ့။ အဲတစ်ယောက်အိမ်ပေါ်မှာရှိနေတာ။ တားအိုက်ဖေအိမ်လည်း သူတို့ဝင်မွေပြီး ပိုက်ဆံယူသွားကြတယ်။ တရုတ်ယွမ် သုံးထောင် (၃၀၀၀) နှင့် ဗမာငွေ ၅သောင်း (၅၀၀၀၀) ယူသွားလိုက်တယ်”ဟု ပလောင်အမျိုးသမီးအစည်းအရုံးကို ပြောပြခဲ့သည်။

နောက်ရွာခံတစ်ဦး၏ ပြောပြချက်အရ “ ဖဒဲန်ရွာမှာကျတော့ သူတို့ရွာသားတစ်ဦးဖမ်းထားတယ်။ အခု အချုပ်ခန်းထဲမှာထည့်ထားတယ်။ သူတို့ က တအာင်း(ပလောင်)တပ်မတော်ကလူ ဆိုပြီးတော့စွပ်စွဲတာ။ အဲဒါကြောင့်မို့ ဖမ်းပြီးတော့ချုပ်လိုက်တာ။ ဖာဒဲန်ရွာဥကဌက တောင်းပန်သော်လည်း ခုချိန်ထိမလွတ် သေးဘူးလို့”  ပြောဆိုခဲ့သည်။

မှတ်တမ်းနှင့် သုတေသနဌာန
ပလောင်အမျိုးသမီးအစည်းအရုံး

မူးယစ်ဆေးဝါးကြားက ဒုက္ခသံ
လစ်လျူရှု့ခံဘဝများ

PWO အကြောင်း

PWO-Logo

 ပလောင်အမျိုးသမီးအစည်းအရုံးကို အမျိုးသမီးများအား ပညာပေးရန်နှင့် စွမ်းရည်မြှင့်တင်ဆောင်ရွက်ပေးရန် ရည်ရွယ်ဖွဲ့စည်းခြင်းဖြစ်ပါသည်။ သို့မှသာလျှင် သူတို့၏ ကိုယ်ပိုင်ပြဌာန်းခွင့်ကို ပိုမိုခိုင်မာစွာ ကျင့်သုံးလာနိုင်ပြီး လူမှုအဖွဲ့အစည်းအတွင်း တန်းတူရည်တူပါဝင်ဆောင်ရွက်လာနိုင်စေရန်ဖြစ်ပါသည်။

Read More...

နောက်ခံသမိုင်း

မွန်ဂိုလွိုက်လူမျိုးနွယ်ကြီး၏ မူရင်းဒေသမှ အာရှတိုက်တွင် အများဆုံးနေထိုင်ကြပြီး အထူးသဖြင့် အာရှတိုက် မြောက်ပိုင်း၊ အလယ်ပိုင်း၊ အရှေ့ပိုင်းနှင့် အရှေ့တောင်ပိုင်းတို့၌ ပျံ့နှံ့နေထိုင်ကြသည်။ ထို့ကြောင့် ဗီယက်နမ်၊ ခမာ၊ မွန်၊ ဝ၊ ပလောင် (ရိအာန်) မုဏ္ဍ၊ ဆန်သာလ်၊ ခါဆီစသော လူမျိုးတို့သည် မွန်ခမာအနွယ်မှ ပေါက်ဖွားလာသော

Read More...

မိုင်းအိုက်ပန်း(ခ) ကိုမြမောင်

 မိုင်းအိုက်ပန်း(ခ) ကိုမြမောင်    ၁၉၆၂-၂ဝဝ၂ ၇၁ ဦးမြောက် အကျဉ်းထောင်အတွင်း သေဆုံးရသူနိုင်ငံရေးအကျဉ်းသားရဲဘော် မိုင်းအိုက်ပန်းသည် ၁၉၈၄ ခုနှစ်တွင် ပလောင်ပြည်နယ် လွတ်မြောက်ရေးပါတီ အဖွဲ့ဝင်တစ်ဦးအဖြစ် စတင် ပါဝင်လာခဲ့ပါသည်။ ၁၉၈၆ ခုနှစ်တွင် ကရင်အမျိုးသားအစည်းအရုံး မာနယ်ပလောဌာနချူပ်ရှိ အမျိုးသားဒီမိုကရေစီတပ်ပေါင်းစု (မဒတ) ဗဟိုဌာနချူပ်ရုံးသို့ ပလောင်ပြည်နယ်လွတ်မြောက်ရေးပါတီ၏ ကိုယ်စားလှယ်အဖြစ်စေလွှတ်ခြင်းခံခဲ့ရပါသည်။

Read more...